Хуурамч баримт бичиг ашиглан Монголд 17 жил амьдарсан хятад иргэнийг албадан гаргав

Монгол Улсад байх визийн хугацааг 6335 хоног буюу 17 жил 04 сар 10 хоног хэтрүүлсэн БНХАУ-ын нэгэн иргэнийг Гадаадын иргэн, харьяатын газраас албадан гаргажээ.



Тухайн иргэн нь энэ хугацаанд хуурамч бичиг баримт ашиглан амьдарч байсан тул Монгол Улсаас албадан гаргасан байна.

Монгол Улсын нутаг дэвсгэрт байгаа аливаа гадаадын иргэн нь хууль тогтоомжийг сахин биелүүлж, хуульд заасны дагуу бүртгүүлэх, эрх бүхий байгууллагаас олгосон зөвшөөрлийн хугацаанд оршин сууж, уг хугацаандаа тус улсаас гарах үүргийг хүлээдэг. Эдгээр үүргээ биелүүлээгүй, түүнчлэн хууль бусаар хөдөлмөр эрхэлсэн, хуурамч бичиг баримт ашигласан ямар ч гадаадын иргэнийг манай улс албадан гаргадаг юм.