Орон нутаг

Аймгийн Засаг дарга О. Бат- Эрдэнэ захирамж гаргаж, Мал амьтны гоц халдварт шүлхий өвчний голомт нэмэгдэж байгаатай холбогдуулан Дундговь аймгийн нутаг дэвсгэрт мал оторлон орж ирэхийг өнөөдрөөс эхлэн хориглов. Өөрийн аймгийн малчдыг ч гадагш отор нүүдэл хийхгүй байхыг сануулж байна.

Баян-Өлгий аймгийн Өлгий сумын харьяат иргэн 35 настай Е өнгөрсөн сарын 30-ны өдөр Бугат сумын Буга гэдэг газарт амралтад явахаар автомашинтай гэрээсээ гарч сураггүй болжээ.

Гурвансайхан сумын Дэрсэнэ Ус багийн нутаг Цагаан хошуу хэмээх газарт малын гоц халдварт шүлхий өвчин гарч, сумын Засаг даргын захирамжаар өнөө өглөөнөөс эхлэн хорио цээрийн дэглэм тогтоолоо.

Хөвсгөл аймгийн Галт сумын Идэрийн гол 700 сая төгрөгний өртөг бүхий эвхэгддэг хөвдөг гүүртэй боллоо. Идэрийн гол цөн түрж хөлддөг учраас намар нь хураан авч хавар нь угсарч байхаар хийсэн байна. Гүүрийг Хөвсгөл аймгийн Урагшлах компани хийж гүйцэтгэжээ.

“Мах, сүүний анхдугаар аян”-ны хүрээнд “Монгол хуурай сүү” төслийг хэрэгжүүлж байна. Төслийн хүрээнд орон нутагт эхний ээлжинд хуурай сүү үйлдвэрлэх бага, дунд оврын 60 үйлдвэрийг байгуулахаар бэлтгэл ажлыг хангажээ.

2016-08-18 11:45:15 677
Наймдугаар сарын нэгэнд Баян-Өлгий аймагт их хэмжээний цемент ачсан "Nord Benz” камаз маркийн автомашин жолоодлого алдаж, замаас гарах үедээ ойролцоох айлын хашаа, гэр, дэлгүүр дайрч долоон хүний амь эрсэдсэн харамсалтай хэрэг гарсан. Тус автомашин нь үерийн улмаас орон гэргүй болсон иргэдэд байшин барихад шаардагдах 50 тонн цементийг тээвэрлэж явсан аж.

2016-08-18 11:40:25 760
Орон нутгийн сонгууль 2016 оны 10 дугаар сарын 19-ны өдөр болно. Ийм учраас хуулийн дагуу шилжилт хөдөлгөөн сонгууль болохоос 60 хоногийн өмнө буюу 2016 оны 08 дугаар сарын 19-нд зогсоно. Иймд иргэд шилжилт хөдөлгөөний бүртгэлээ цаг алдалгүй бүртгүүлэх шаардлагатай. Шилжилт хөдөлгөөний бүртгэлийг хийлгэхдээ харъяа сумдын улсын бүртгэгч нарт бүртгүүлнэ.

“Усны ашиглалт хэрэглээг тоолууржуулах хөтөлбөрийн хэрэгжилт, тулгамдаж буй асуудлууд, шийдвэрлэх арга зам” сэдэвт олон улсын зөвлөгөөн өчигдөр боллоо. Барилга, хот байгуулалтын яам, Монголын барилгачдын холбоо, Байгаль орчин, аялал жуулчлалын яам, Хот, суурины ус хангамж, ариутгах татуургын ашиглалт, үйлчилгээ зохицуулах зөвлөл, “Дэд бүтэц инженеринг” компани, ОХУ-ын “Арзамасский приборостроительный завод имени П.И.Пландина” тоолуурын үйлдвэр хамтран зохион байгуулсан хуралд усны салбарын 150 гаруй мэргэжилтэн оролцож, тулгамдаж буй асуудлуудын талаар хэлэлцэв.

Онцгой Байдлын Ерөнхий Газраас үер, усны осол, өвөлжилтийн бэлтгэл ажил, цаг үеийн асуудлаар мэдээлэл хийлээ. Тус хэвлэлийн хуралд ОБЕГ-ын дэд дарга, онцгой байдлын хурандаа Г.Ариунбуян нарын албаны хүмүүс оролцлоо.

2016 оны орон нутгийн сонгуулийн үр дүнд олонхийн суудал авсан МАН-ынхан Баян-Өлгий аймгийн ИТХ-ын дарга, Засаг дарга, Засаг даргын орлогч, ИТХ-ын Нарийн бичгийн дарга гээд бүх удирдах албан тушаалын томилгоогоо хийгээд байгаа боловч Тамгын газрын даргын томилгоон дээрээ гацаанд орж, багагүй хугацааг өнгөрөөгөөд байгаа аж. Учир нь тус албан тушаалд нутгийн уугуул монгол иргэдийн төлөөлөл болсон М.Адилбишийн нэрийг нь дэвшүүлсэнтэй холбоотой аймгийн удирдлагын зүгээс дэмжлэг авч чадахгүй байгаа бөгөөд аймгийн шинэ удирдлагуудын энэхүү үйлдэл нь нутгийн цөөнх болсон монгол иргэдийг үл тоомсорлож, яс үндсээр ялгаварлан гадуурхаж буйн илрэл хэмээн нутгийн иргэд ярилцах болжээ.

Бангкок дахь Монгол Улсын Элчин сайдын яамнаас сэрэмжлүүлэг гаргасан байна. Тодруулбал энэ сарын 11-12-ны шилжих шөнө Тайландын өмнөд хэсэгт орших Прачуап Кири Кан мужийн Хуа Хин дүүрэг, Панг На, Пукет, Сурат Тани, Транг зэрэг мужид нийт 8 удаагийн дэлбэрэлт болсны улмаас 4 хүн амь насаа алдаж, олон арван хүн гэмтжээ.

Үер, усны осол, өвөлжилтийн бэлтгэл байдлын талаар өнөөдөр Онцгой байдлын ерөнхий газрын дэд дарга, хурандаа Г.Ариунбуян, ГШУГ-ын ахлах мэргэжилтэн, дэд хурандаа Ж.Дамдинсүрэн, мэргэжилтэн, ахмад Ч.Туяа нар сэтгүүлчдэд мэдээлэл өглөө.