“MC COLLECTION” ХАМТЛАГИЙН RAPPER MB НЭГЭН ҮДШИЙГ "ЗАЛГИЛАВ"

“MC COLLECTION” хамтлагийн RAPPER MB-н  хүлээлт үүсгээд байсан "Залгилъя_vol1" нэртэй тоглолт өнгөрсөн амралтын өдөр буюу  2018.06.02-ны  22:00 цагаас   "Plus club + Ulaanbaatar"-т боллоо.




"Mc collection" хамтлагийн Rapper MB залуусын дунд чамгүй амжилттай хит болсон олон дуунуудтай реппер билээ. Тухайлбал Усан хулгана, Эцсийн удаа, Тэр охинд зэрэг олон дуунууд нь одоо хэр нь залуусын сонсох дуртай дуунууд юм. Түүний зарим нэг дуунууд нь өнөөгийн нийгэм дэх хурцадсан асуудлыг хөндсөн байдгаар онцлогтой.


 
Ийн өөрийн өвөрмөц дуу хоолой, үглэх чадвараараа сонсогч түмнийхээ чихэнд хоногшсон халзан залуу маань сонсогч фэнүүддээ  өөрийнхөө ямар чансаатай реппер болохоо үзүүлэв.
Түүний шинэ уран бүтээл болох "Залгилъя" дуу нь "HIP HOP- CLUW NIGNT" урсгалаар хийгдсэн их хотын  соёлтой залуусыг хэрхэн зөв боловсон наргиж цэнгэн хөгжилдөхийг харуулжээ.  Шинэхэн уран бүтээлийг нь мэдэрч сонсон кайф авсан фенүүд нь ам сайтай байгаа сурагтай.

 Гадаа хүйтэн бороотой байсан ч залуус  "Plus club + Ulaanbaatar"-г  зорин  нэгэн халуухан үдшийг Rapper MB тэй хамт хит болсон дуунуудтай нь шинэхэн уран бүтээлтэй нь хамт доргион өнгөрүүллээ. Зорин ирсэн сонсогч фенүүд нь сэтгэл хангалуун халуухан үдшийг бут авсан сурагтай байна.