Ардчилсан нам амьд уу???

Үг хэлэх үзэл бодлоо илэрхийлэх иргэний эрх чөлөөнд халдаад эхэллээ. Ардчилагчид амьд уу

 

Ингэж асуух шалтгаан байна. Өнгөрөгч 27-н жилийн хугацаанд Монголын улстөрд хоёр том улстөрийн тоглогч байсныг бид мартах учиргүй. Бидэнд үг хэлэх үзэл бодлоо илэрхийлэх эрх чөлөөг олгосон Ардчилсан хөдөлгөөний залуусын байгуулсан нам, харин нөгөөх нь Улстөрийн товчооныхноос угшилтай Монгол ардын хувьсгалт нам одоогийн бол Монгол ардын нам гэсэн үг. Хуучин нам нь яах вэ хувьсгалт гэдэг үгээ авч хаясан ч өнөөх л улаан хувьсгалт өнгө төрх нь угшил гаралд нь амь бөх оршино. Харин цэнхэр өнгөөр өөрсдийгөө илэрхийлдэг Ардчилагчид улам бүр өнгөгүй болж уусан замхарсаар байна. Ингэж хэлэх ч үндэслэл байна. Тэд өнөөдөр хаана байна вэ?

                Уг нь бол 2016 оны сонгуулиар ард түмэн ардчилсан намд бүлэг байгуулах хэмжээний суудал өгч 9-н гишүүн сонгосон. С. Эрдэнэ, Д. Эрдэнэбат, Б. Пүрэвдорж, Я. Санжмятав Ж. Батзандан Л. Болд, Д. Мурат, З. Нарантуяа, Б. Наранхүү эд бол ард түмнээс санал аваад гарч ирсэн ардчилсан намынхан. Гэтэл тэд өнөөдөр таг чиг. Шинэхэн төрийн тэргүүнтэй болсны дараахан ардчилсан нам их хуралд бүлэггүй болж бүлтэгнэсэн. Балай элийгээр нь дуудаж байсан Баасанхүүтэй бөөрөө нийлүүлээд суух сонголтыг Эрдэнэ дарга зөвшөөрч балайрсан. Люмпинпролетар хоёр нь тусдаа нам байгуулаад гарсан. Тэдний хувьд ШИНЭ намтай болсон нь улстөрийн нүүдэл гэхээс илүүтэйгээр улиг болсон арга хэрэглэж улстөрд амь тавихгүйг хичээсэн. Ардчилсан намаасаа хөөгдсөн үү эсвэл гарсан уу гэдэг нь нэг их чухал биш ч тэд өрх тусгаарласан Ардчилсан намыг асуудалд оруулсан уу гэвэл улстөрийн ажиглагчид болон судлаачид бүгд л тийм гэнэ. Үүгээр ч зогсохгүй үргэлжилсэн өрнөл нь өөрөө нэг л явуургүй ардчилсан нам амьсгал хураачихвуу гэдэг шиг л харагдаад байгаа юм.

                Нэг тийм нарийн улстөрийн мэдрэмжтэй нь аргагүй бодлого барьж болохгүйг нь шүүмжилдэг тийм зангараг энэ нам 2016 онд сонгуульд ялагдсаны дараа сүнс нь биенээсээ хийсэх шиг л алга болчихлоо. Гөлийсөн нэг тийм сүнсгүй бие яваад ч байгаам шиг нэрнээс өөр нэмэр алга байна. Уг нь бол хотын дарга болсон нэг нь,  ахын дүү аятайхан байгаарай гээд генералын хүү гишүүн нөхрийг загнаж явсан нь саяхан. Магадгүй тэр үед өнөө гайхлыг өнгө мөнгө гээд улстөрд ороод ирсэн ЖДҮ чин гэдгийг нь буурал толгойтой хашир улстөрч гадарласан ч байсныг үгүйсгэхгүй. Одоо харин иймэрхүү үг хэлээд их хурлын гишүүн ч бай болохгүй бүтэхгүй бодлого хэрэгжүүлж улс орны маргаашийг хоролдог нөхдүүдтэй бодлого ярьж, тэдний өвчтэй хатигшсан газрыг нь хатгах нэгэн дутаад байх шиг. Сөрөг хүчингүй үндсэн хуулийг өөрчлөх гээд байна гэж зөвлөлийн дарга нь бүлтэгнэсэн байна билээ. Монголын улстөрийн хамгийн том хоёр хүчний нэгнийх нь бүлгийн даргаас зөвлөлийн дарга хүртлээ буурсан хүний амнаас гарсан үг гэж ойлгож болохоор. Гэхдээ үндсэн хуулинд оруулах өөрчлөлтийн эдгээр заалтууд нь үндсэн хуулийн суурийг нь ганхуулах гэж байна гэж ирээд л мэтгэлцэх олон нийтэд мэдэгдэх боломж ардчилсан намынханд бий. Иймэрхүү байдлаар Ардчилсан намынханд бодлого яриад болохгүйг хэлэх эрх бий. Иргэндээ зөрчлийн хуулиар мэдэгдэхгүй хэрэг үүсгээд шалгаад шийдвэрлэчихсэн үг хэлэх үзэл бодлоо илэрхийлэх эрх чөлөөг гь хаасан цагт ч ардчилагчдын амнаас үг унасангүй. Тэд хаачив