УОК болон НОК-ын үйл ажиллагаанд иргэд олон нийт дүнгээ тавьж, өөрсдийн үзэл бодлоо илэрхийлэхээр Нийслэлийн төв Сүхбаатарын талбай дээрээ өнөөдөр өглөө 10:00 цагаас хойш өнөө хүртэл нэгтэн гарч ирсээр байна.
Өөрөөр хэлбэл 2020 оны 01 дүгээр сарын 19-ны үдэш “Өргөө” амаржих газраас дөнгөж амаржсан эх, үрсийг ХӨСҮТ- рүү тээвэрлэх явцад хүнлэг бус хандсан гэх үндэслэлээр ийнхүү иргэд дургүйцлээ илэрхийлэн бухимдаж буйгаагаа нуулгүй олноороо ийн гарч ирсэн нь энэ ажээ.
Иргэд УОК болон Шадар сайд Я.Содбаатарыг даруй огцрохыг шаардан жагсаж байгаа юм. Тэд тодорхой үр дүнд хүртэл буюу Я.Содбаатарыг огцортол жагсана гэдгээ илэрхийлж байгаа юм.
Яг одоогийн байдлаар албан бус эх сурвалжийн өгүүлж буйгаар Ерөнхий сайд У.Хүрэлсүх, Шадар сайд Я.Содбаатар болон ЭМ-ийн сайд Мөнхсайхан нарыг огцруулахаар болсон тухай мэдээлэл сошиалаар явж байна.
Түүнчлэн олон нийт УОК-ын зааврын дагуу ухамсартайгаар хүн хоорондын зай барьж, бөөгнөрөл үүсгэхгүй тайван жагсаж байгаа нь анхаарал татаж байна. Тэр тусам ихэнх нь залуучууд, эмэгтэйчүүд байгаа нь ямарч захиалагчгүй байгаа нь сонирхолтой байна.
Яг одоо УОК-ын дарга Шадар сайд Я.Содбаатар бүрэн бүрэлдэхүүнээрээ огцорч буйгаа мэдэгдлээ. Мөн ЭМ-ийн сайд Т.Мөнхсайхан өөрийн хүсэлтээр хариуцлагаа үүрэн огцорч байгаагаа мэдэгдэн Ерөнхий сайдад ажлаас чөлөөлөгдөх өргөдөлөө хүргүүлж байгаагаа энэ үеэр дуулгалаа.
С.БАТГҮР