Гадаад мэдээ

ОХУ-ын парламентын дээд танхим буюу Холбооны улсын Зөвлөл ОХУ, Монгол Улсын найрсаг харилцаа, иж бүрэн стратегийн түншлэлийн тухай гэрээг лхагва гарагт соёрхон баталжээ.

Бразилд коронавирусний халдварын улмаас нас барсан хүний тоо сүүлийн 24 цагийн хугацаанд 1220-иор нэмэгдсэнээр нас барсан хүний нийт тоо 69184-т хүрлээ гэж тус улсын Эрүүл мэндийн яам мэдээлжээ.

Америкийн дуучин, жүжигчин Барбара Стрейзанд өнгөрсөн сарын сүүлчээр цагдаа нарын гарт амиа алдсан африк гаралтай америк эрэгтэй Жорж Флойдын зургаан настай охинд “Disney” компанийн хувьцаа бэлэглэжээ.

Энэ онд дэлхийн эдийн засаг 5.2 хувиар агшиж, Дэлхийн хоёрдугаар дайнаас хойших хамгийн том уналтад орж магадгүй байна гэж Дэлхийн банкны даваа гарагт нийтэлсэн “Дэлхийн эдийн засгийн хэтийн төлөв” илтгэлд дурджээ.

БНАСАУ-ын эрх баригчид ухуулах хуудас илгээсний хариуд БНСУ-тай харилцаа холбооны бүх шугамаа мягмар гаргаас эхлэн хааж байгаа тухай Солонгосын төв цахилгаан мэдээний агентлаг /KCNA/ мэдээлэв.

Бразилд нэг өдрийн дотор коронавирусний халдварын 18912 тохиолдол шинээр илэрч, нийт тохиолдлын тоо 691758 болж нэмэгджээ. Энэ тухай Бразилын Эрүүл мэндийн яамны цахим хуудсанд мэдээлсэн байна.

БНХАУ-ын Засгийн газар цар тахалтай тэмцэх хүрээнд 77 орны зээл төлөлтийг түр хугацаагаар түдгэлзүүлжээ. Энэ тухай БНХАУ-ын Төрийн зөвлөлийн өнгөрсөн ням гарагт нийтэлсэн “COVID-19”-төй хийх тэмцэл: Хятадын авах алхам” Цагаан номонд дурджээ.

АНУ-ын Миннесато муж улсын Миннеаполис хотод өнгөт арьст эрэгтэй цагдаа нарын гарт амиа алдсанаас хойш орон даяар өрнөж эхэлсэн эсэргүүцлийн жагсаал найм дахь өдрөө үргэлжилж байна.

Африк гаралтай америк эрэгтэй цагдаа нарын гарт амиа алдсаны улмаас өрнөсөн эсэргүүцлийн ажиллагаа, эмх замбараагүй байдлын үеэр дор хаяж 11 хүн амиа алдсан тухай телевизийн “KTLA” суваг мэдээлжээ.

АНУ-д эсэргүүцлийн хөдөлгөөн, эмх замбараагүй байдал өрнөсөөр байгаатай холбогдуулан 40 орчим хотод хөл хорионы дэглэм тогтоожээ. АНУ-ын хамгийн том хот болох Нью-Йоркт энэ арга хэмжээ мөн үйлчилж байна.

АНУ-д одоо болж буй үймээн самуун бол тайван жагсаал биш, харин дотоодын терроризм юм гэж тус улсын Ерөнхийлөгч Дональд Трамп сүүлийн хэдэн өдөр болсон эсэргүүцлийн ажиллагаа, эмх замбараагүй байдалтай холбогдуулан ард иргэддээ хандан даваа гаргийн орой үг хэлэхдээ мэдэгджээ.

БНХАУ-ын Нийгмийн Шинжлэх Ухааны Академи болон ОХУ-ын Алс Дорнодын их сургуулийн мэргэжилтнүүд “Цар тахлын нөхцөл дэх Хятад-Монгол-Оросын эдийн засгийн зурвас” сэдвээр онлайн семинар зохион байгууллаа.  

Венесуэлийн эрх баригчид коронавирусний цар тахлын үед хоол хүнс, эм тариа нийлүүлэх санхүүжүүлэлтийг Английн Банканд хадгалагдаж байгаа алтаараа хийх талаар НҮБ-ын Хөгжлийн хөтөлбөртэй тохиролцоонд хүрчээ.

Ирэх 10, 11 дүгээр сард цар тахлын хоёр дахь давалгаа дэгдэж болзошгүй байгаад бэлэн байхыг ОХУ-ын Ерөнхийлөгч Владимир Путин Эрүүл мэндийн яаманд уриалжээ.

Энэтхэгт мягмар гарагт коронавирусний халдварын 5611 тохиолдол шинээр бүртгэгдсэн гэж тус улсын Эрүүл мэндийн яам мэдээллээ. Тус улсад цар тахал дэгдсэнээс хойш нэг өдөрт хамгийн олон тохиолдол бүртгэгдэж буй нь энэ юм.

Санкт-Петербург хотод коронавирусээр халдварласан хүмүүсийн дөрөвний нэг орчим нь буюу 2.5 мянга нь эмнэлгийн ажилтнууд байна гэж тус хотын захирагч Александр Беглов ярьжээ.

ОХУ-ын Соёлын сайд Ольга Любимова бүрэн эдгэрч, үүрэгт ажилдаа эргэн оржээ. Түүний коронавирусний шинжилгээний хариу эерэг гарсан тухай 5 дугаар сарын 6-нд мэдээлсэн юм.

АНУ-ын Нью-Йорк муж улсад коронавирус тархсаны улмаас тогтоосон хорио цээрийн дэглэмийг тавдугаар сарын 15-наас эхлэн хэсэгчлэн сулруулахаар болжээ. Ийм захирамжийг тус муж улсын захирагч Эндрю Куомо пүрэв гарагт гаргасан байна.

Бразилд пүрэв гарагт коронавирусний халдварын 13944 тохиолдол шинээр бүртгэгдсэн нь тус улсад халдвар тархсанаас хойш нэг өдөрт илэрсэн хамгийн олон тохиолдол болжээ.

Цагаан ордонд ажилладаг АНУ-ын тэнгисийн цэргийн алба хаагч, ерөнхийлөгч Дональд Трампын хувийн туслах буюу бараа бологчдын нэгнээс коронавирусийн халдвар илэрснийг өчигдөр зарлажээ.

Сүүлийн 24 цагийн хугацаанд коронавирусийн халдварын 10,633 шинэ тохиолдол илэрсэн тухай ням гарагт мэдээлжээ. Энэ нь нэг өдөрт илэрсэн хамгийн өндөр тоо бөгөөд өмнөх өдрөөсөө 1,000 орчмоор нэмэгдсэн үзүүлэлт аж.

Австралийн Шинжлэх ухаан, аж үйлдвэрийн судалгааны байгууллагын /CSIRO/ мэргэжилтнүүд коронавирусний вакциныг туршиж эхэлжээ. Уг туршилтын эхний шатыг Австралийн Мал амьтны эрүүл мэндийн лабораторид явуулна.

“Facebook”, “Amazon”, “Google” зэрэг Америкийн арав гаруй технологийн компанийн төлөөлөгчид шинэ коронавирусээр үүсгэгдсэн өвчний дэгдэлтийн тухай худал мэдээлэл тараах явдлыг зогсооход авах арга хэмжээнүүдийг Дэлхийн Эрүүл мэндийн байгууллагын төлөөлөгчидтэй хэлэлцжээ.

Египет улсад шинэ коронавирусээр халдварласан анхны тохиолдол бүртгэгджээ. Энэ тухай тус улсын Эрүүл мэндийн яам мэдэгдсэн байна. Шинэ тохиолдол бүртгэгдсэнээр Египет энэ өвчнийхалдварын тохиолдол бүртгэгдсэн Африк тив дэх анхны улс болж байна.

БНХАУ-ын Коммунист намын Төв хорооны Улс төрийн товчооны Байнгын хороо “COVID-19” коронавирусээр үүсгэгддэг уушгины хатгалгааны тархалтаас урьдчилан сэргийлэх, хянах асуудлаар лхагва гарагт хуралджээ.

Одоогийн байдлаар шинэ төрлийн коронавирусний дөрвөн вакциныг бүтээж байгаа бөгөөд хоёрыг нь 3-4 сарын дараа хүний биед туршиж эхэлж магадгүй гэж Дэлхийн эрүүл мэндийн байгууллагын /ДЭМБ/ ерөнхий гүйцэтгэх захирал Сумия Шваминатан сэтгүүлчдэд мэдээлжээ.

БНХАУ-ын Ардын чөлөөлөх арми /АЧА/ шинэ төрлийн коронавирусээр үүсгэгдсэн уушгины хатгалгаа өвчний голомт болох Ухань хотод 2600 цэргийн эмч нэмж илгээлээ гэж тус улсын төв телевизээр мэдээлжээ.

АНУ-ын агаарын тээврийн “American Airlines” компани коронавурисний халдвар тархсантай холбоотойгоор БНХАУ руу хийдэг бүх нислэгээ дөрөвдүгээр сар хүртэл цуцалж байгаагаа мягмар гарагт мэдэгджээ.

Онцын шаардлагагүй бол өөрийн хүсэлтээр Хонконгоос явахыг АНУ-ын Төрийн департамент Хонконг дахь Америкийн консулын газрын ажилтнууд болон түүний гэр бүлийн гишүүдэд зөвшөөрчээ. “2019-nCoV” вирусээр үүсгэгдсэн уушгины хатгалгаа дэгдээд буй энэ үед энэ шийдвэрийг гаргасан байна.

Австрали улсад дэгдсэн ойн түймрийн улмаас тоо толгой нь хорогдож, идээшсэн нутаг нь сүйдсэн 113 төрөл зүйлийн амьтанд “яаралтай тусламж” шаардлагатай байна гэж тус улсын Засгийн газар мягмар гарагт мэдээлсэн байна.