Нийгэм

Коронавирусний вакцин хийлгэсэн иргэдийг бүртгэлжүүлж, цахим бүртгэлийг төрийн нэгдсэн систем e-mongolia.mn сайтад холбосон байна. Ингэснээр иргэд дархлаажуулалтын гэрчилгээг хэвлэж авах боломжтой болсон тухай ХӨСҮТ-ийн дархлаажуулалтын албаны дарга О.Дашпагма мэдээллээ.

Авлигатай тэмцэх газар (АТГ)-т нийтийн албан тушаалтны авлига, ашиг сонирхлын зөрчилтэй холбоотой 64 гомдол өнгөрсөн долоо хоногт иржээ. Үүнээс 10 гомдлыг шийдвэрлэж, 54-ийг нь шалгаж байна.

УИХ-ын гишүүн Сү.Батболдтой холбогдох шүүх хурал өнгөрсөн сард Сингапур улсад болж өнгөрсөн байна. Энэ нь урьдчилсан шатны хэлэлцүүлэг тул удахгүй гэм хорын асуудал яригдаж эхлэх бололтой. Үүнээс гадна гадаадын зургаан улсын шүүхэд УИХ-ын гишүүн Сү.Батболд болоод түүнтэй хамааралтай гэх хэд, хэдэн солонгос нэр сонгогдох болов.

Нийслэлийн Байгаль орчны газрын байгаль хамгаалагчид өнөөдөр Олон улсын байгаль хамгаалагчдын холбооны гишүүн боллоо. Энэхүү холбоо нь 1992 онд ИБУИНВУ-д байгуулагдаж одоогоор 65 орны байгаль хамгаалагчид, мэргэжлийн холбоод гишүүнчлэлтэй байдаг юм. 

Монгол Улсын Ерөнхийлөгчийн дэргэдэх Хэлний бодлогын үндэсний зөвлөлийн салбар зөвлөлийг Увс аймагт Засаг даргаар ахлуулан 9 хүний бүрэлдэхүүнтэй байгуулж, дөрвөн жилийн хугацаанд “Монгол бичгийн үндэсний хөтөлбөр-III”-ыг хэрэгжүүлэх ажлын төлөвлөгөөгөө батлуулан ажиллаж эхлээд байна.

Жүжигчин Б.Навчаа Хууль зүй, дотоод хэргийн сайд Х.Нямбаатарын санаачилсан хуулийн талаар цахим хуудсаараа дамжуулан үзэл бодлоо илэрхийлж, эсэргүүцсэн байна.